Mangrove
vegetation structure
dynamics
and regeneration
Thesis
Philosophiae Doctor Scientiarum
Farid Dahdouh-GuebaS
Muhtasari
Kitabu
hiki cha shahada ya juu ya PhD kinajumulisha nakala kumi na nne za taarifa
kuhusu mikoko. Kazi hii ni kilele
cha utafiti wangu wa shahada hii iliyo chukua mfululizo wa miaka minne
kukamilisha. Kwanza kabisa kuna utangulizi wa utafiti wenyewe.
Utangulizi huu unadokezea madhumini ya utafiti kwa jumla, na umuhimu
wake nchini Kenya na ulimwenguni. Kazi
kumbwa ya utafiti huu ilifanyika katika pulu za Mida na Gazi nchini Kenya. Kazi iliyosalia ilifanyika sehemu za Gale na Pambala nchini
Sri Lanka, na pia huko nchini Mauritania katika mbuga ya wanyama iitwayo
Aruguini.
Utafiti
huu umetumia mbinu za kisasa kueleza mambo muhimu katika misitu ya mikoko.
Kwa mfano, jambo la mkusanyiko wa mikoko katika pwani limegusiwa.
Hii ni pamoja na kusahihisha kazi ya hapo awali kuhusu mikoko ya Sri
Lanka. Kwa jumla uharibifu wa
misitu uliweza kuoneka katika vituo vya Gazi (Kenya) na Gale (Sri Lanka).
Kituo cha Mida (Kenya) pamoja na kile cha Pambala (Sri Lanka),
vilioneka vikiwa katika hali nzuri.
Kazi
hii inachangia kuonyesha sababu za uharibifu wa mikoko katika nchi hizi, ikiwa
pamoja na ukataji mbaya, ukosefu wa mbegu na hali ya kiangazi. Kama
mapendekezo wakati wa kupanda mikoko, mwandishi ashauri utafiti kabambe
ufanywe kuhuzu upotevu wa mbegu za mikoko kwa njia mbali bali. Pamoja na
ukosefu wa mbegu unaotokana na uharibifu wa misitu, kuna uwezekano kwamba
mbegu nyini huliwa na wanyama kama vile Kaa pamoja kombe hivyo kuchangia
kutonawili kwa mikoko.
Katika
kituo cha Mauritania, ni kiangazi hasa ambacho kimechangia kudidimia kwa
mikoko sehemu ya mbuga ya Aruguini, pwani kaskazini mwa bara la Afrika.
Jambo la wazi ni kwamba eneo hili la Aruguini ndio mpaka wa mikoko
kaskazini magharibi mwa Africa. Kunauwezekano kwamba, mabadiliko ya hewa
pamoja na ukosefu wa maji baridi yameadhiri sana usitawishaji wa mikoko katika
mbuga hii. Anavyo onyesha mwadishi ni kwamba, japo mikoko ina mea kwa shida
kule Aruguini, mazao yake hayakuonekana kupunguka.
Kwa kumalizia, mwandishi amegusia katika taarifa ya
mwisho mojawapo ya taratibu alizo tumia katika utafiti wake. Mwisho kabisa
ameunganisha nakala zote kumi na nne akijaribu kujibu swala la jadi kuhusu
kusanyiko la mikoko katika pwani. Je,
kwanini Mlilana unaota kado kado ya bahari hali Mchu na Mkandaa inaota katika
sehemu karibu na nchi kavu ?
Translated
by Melckzedeck "Kizzie" Osore, James G. Kairo and
Fatuma M. Saidi
This page is maintained by
Farid Dahdouh-Guebas,
fdahdouh@vub.ac.be